Махсус имкониятлар
Жиноят ишлари бўйича Жомбой туман судининг 2020 йил 10 ноябрдаги ҳукми билан судланган қарздор С.А.дан давлат фойдасига 13 млн. 380 минг сўм жиноий жарима ундириш белгиланган ва суд қарорига асосан ижро ҳужжати юзасидан Бюронинг Булунғур туман бўлими томонидан ижро иши юритилган.
Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 23-моддасига кўра қарздорга ижро ҳужжатининг ижросини ихтиёрий равишда таъминлаш учун 30 кунлик муддат берилган.
Шунингдек, Қонуннинг 42(1)–моддасига асосан қарздорга нисбатан Ўзбекистон Республикаси ҳудудидан четга чиқиш ҳуқуқларига вақтинча чеклов ўрнатилган.
Мазкур ижро ҳужжатига асосан қарздорнинг мол-мулкларини аниқлаш мақсадида Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 21, 87-моддаларига асосан тегишли ташликотларга сўровномалар юборилган ва олинган маълумотларга асосан барча мол-мулкларига тақиқ қўйилган.
Ижро тадбирлари давомида ижро ҳужжатида кўрсатилган 13 млн. 380 минг сўм пул маблағлари тегишли тартибда ундирилиб, ижро ҳужжати амалдаги Қонуннинг 41-моддаси 1-қисмига асосан тамомланган.
Мажбурий ижро бюроси Булунғур туман бўлими
