Махсус имкониятлар
Жорий йил 6 июль куни Булунғур туман Фавқулодда вазиятлар бўлимига Булунғур тумани М-39 автомобиль йўлида ҳаракатланиб кетаётган “VOLVA” русумли юк машинасида ёнғин юзага келганлиги юзасидан хабар келиб тушган.
Автомашина ҳайдовчисининг маълум қилишича, Булунғур тумани “Янгиариқ” МФЙ ҳудудидан ўтувчи М-39 автомобил йўлининг 1055 км.да “Самарқанд-Тошкент” йўналиши бўйича ҳаракатланиб келаётган вақтида автомашина юкхонаси ўнг томонга оғиб кетган ва шу вақтда автомашина юкхонасида ёнғин содир бўлган.
Маълум бўлишича, унинг юкхонасида 21800 кг миқдорда қоғоз учун мўлжалланган бўёқ маҳсулоти бўлган.
Хабарга кўра, воқеа жойига тезкорлик билан етиб борган туман ФВБнинг ёнғин-қутқарувчилари ўз вақтида ёнғинни бартараф этган.
Қутқарувчиларнинг самарали ҳаракатлари туфайли машина салонидаги ҳайдовчининг ҳаёти ва унга тегишли бўлган барча ҳужжатлари сақланиб қолинган.
