“Ёш чегарачи” ҳарбий-ватанпарварлик мусобақаси ўтказилди.

Булунғур туманида 2019 йил 29 март куни ўқувчи-ёшларни Ўзбекистон Республикаси ДХХ чегара қўшинларида хизматни ўташ, ҳарбий билим юртларига ўқишга кириш учун руҳан ва жисмонан тайёрлаш, улар ўртасида Ватанга муҳаббат, ҳарбий ватанпарварлик ғояларини тарғиб қилиш, ёш авлодда Давлат чегараларининг даҳлсизлиги, Ватанимиз ҳавфсизлигини таьминлаш  масъулиятини янада кучайтириш мақсадида Булунғур қишлоқ хўжалик касб-ҳунар коллежида чегара олди касб хунар коллежлари ўқувчи-ёшлари иштирокида “Ёш чегарачи” ҳарбий-ватанпарварлик мусобақаси ўтказилди.

Мусобақада Булунғур педагогика ва спорт коллежининг “Баркамол авлод”, Булунғур миллий ҳунармандчилик касб-ҳунар коллежининг “Лочин”, Булунғур қишлоқ хўжалик касб-ҳунар коллежининг “Қалқон”, Булунғур иқтисодиёт ва сервис касб-ҳунар коллежининг “Қалқон”, Булунғур маиший хизмат кўрсатиш касб-ҳунар коллежининг “Бургутлар”, Булунғур саноат касб-ҳунар коллежининг “Лочинлар”, Булунғур саноат ва сервис касб-ҳунар коллежининг “Шерюрак” жамоаси ҳамда Булунғур агросаноат ва сервис касб-ҳунар коллежининг “Қалқон” жамоалари мусобақа Низоми асосида 12 шарт бўйича ўзаро беллашдилар.

Мусобақанинг якуний натижасига Булунғур маиший хизмат касб-ҳунар коллежининг “Бургутлар” жамоаси фахрли I-даражали диплом, Булунғур иқтисодиёт ва сервис касб-ҳунар коллежининг “Қалқон” жамоаси фахрли  II-даражали диплом, Булунғур қишлоқ хўжалик касб-ҳунар коллежининг “Қалқон” жамоаси фахрли III- даражали диплом билан такдирланди.

Мусобақа иштирокчи ва ғолиблари ташкилотчиларнинг фахрий ёрлик ҳамда эсдалик совғалари топширилди.

Булунғур маиший хизмат касб-ҳунар коллежи “Бургутлар” жамоасининг вилоят босқичида иштирокиши белгиланди.