Хорижда эмас, ўзимизда: ўқишга кира олмаганлар учун ҳали ҳам имконият бор

Хабарингиз бор, жорий йилда олий таълим муассасаларига ўқишга кириш учун етарли балл тўплай олмаган абитуриентларнинг коллеж ва техникумларда таълим олиш имкониятини ошириш мақсадида абитуриентлар ҳужжатларини онлайн қабул қилиш муддати 2020 йил 20 октябрга (20 октябрь куни ҳам) қадар узайтирилди.

 

КОЛЛЕЖЛАРДА таълимнинг халқаро стандарт таснифлагичининг 4-даражасига мос келувчи, касбларнинг мураккаблик даражасидан келиб чиқиб, икки йилгача бўлган муддатлар ўқитишга мўлжалланган таълим дастурлари асосида аниқ иш ўринларига йўналтирилган ўрта бўғин мутахассислари тайёрланади.

Вазирликлар, идоралар ва ташкилотлар тасарруфида фаолият кўрсатадиган ва шу соҳадаги инвестиция лойиҳалари ҳисобига ташкил этилаётган аниқ иш ўрни учун мутахассислар тайёрлайдиган ушбу коллежларга мактабларнинг 11-синф битирувчилари қабул қилинади.

Коллежларда Германия тажрибасида яхши самара берган «дуал» таълим принциплари жорий этилади: ўқувчилар ҳафтанинг 3 кунида коллежда назарий билим олади, уч кунида корхонанинг ўзида бириктирилган уста, мастер раҳбарлигида тўғридан-тўғри келажакда ишлайдиган иш ўрнида амалиёт ўтайди.

ТЕХНИКУМЛАРДА таълимнинг халқаро стандарт таснифлагичининг 5-даражасига мос келувчи, бакалавриат таълим йўналишлари билан интеграциялашган, кундузги, кечки ва сиртқи таълим шаклларида камида икки йил муддатга мўлжалланган таълим дастурлари асосида 11-синфни тугатган ёшлар ўқитилади.

Икки йиллик таҳсилдан сўнг битирувчилар суҳбат асосида олий таълим муассасасига ўқиган касби бўйича ўқишга қабул қилиниши мумкин.

 

Абитуриентларнинг ҳужжатларини қабул қилиш онлайн тарзда коллежларга www.kollej.edu.uz ва техникумларга www.texnikum.edu.uz электрон платформалари орқали амалга оширилмоқда.

 

Коллеж ва техникумларга электрон платформа орқали қуйидаги ҳужжатлар қабул қилинади:

  1. Электрон ариза;
  2. Паспорт (электрон) нусхаси;
  3. Умумтаълим мактабининг 11-синфни тугатганлигини тасдиқловчи аттестат (электрон) нусхаси ёки ўрта махсус, касб-ҳунар таълим муассасасини тамомлаганлиги тўғрисидаги диплом (электрон) нусхаси;
  4.  3x4 фотосурат.

Изоҳ: юридик техникумлар бундан мустасно.

2015-2024 © Булунғур туман ҳокимлиги. Сайт яратувчиси: SAKTRM